नेपाली कांग्रेसका केन्द्रीय सदस्य एवं पर्सा क्षेत्र नम्बर १ बाट प्रतिनिधि सभा सदस्य तथा सांसद उम्मेदवार अनिल रुंगटाले वीरगञ्जमा देखिएको पछिल्लो असहज परिस्थितिलाई संवाद तथा आपसी समझदारीबाट समाधानबाट हुने बताएका छन् ।
वीरगञ्जमा लामो समयदेखि दुई समुदाय बीच धार्मिक तथा सामाजिक सद्भाव कायम हुदै आइरहेकोमा आँच आउने गतिविधिहरू बढ्न थालेपछि नेता रुंगटाले सबै पक्षलाई जिम्मेवार बन्न अपिल गरेका छन् । हामी सबैको साझा वीरगञ्ज ‘सद्भाव र सम्भावनाको शहर भएको भन्दै यहाँको गरिमामयको इतिहास जोगाउन सबै पक्षलाई जोड दिएका छन् । उनले बताए अनुसार‘वीरगञ्जमा फरक धर्म फरक संस्कृति भए पनि हामी आपसमा मिलेर बसेको इतिहास जोगाउन जरुरी रहेको नेता एवं सांसदका उम्मेदवार रङ्गटाले बताएका हुन् ।‘अहिलेको मुख्य आवश्यकता भनेको हाम्रो इतिहास मेट्ने काम होइन, इतिहास र धार्मिक सद्भावयुक्त भविष्य कोर्ने विश्वास गर्न जरुरी रहेको केन्द्रीय सदस्य एवम् सांसद उम्मेदवार’नेता रुंगटाको भनाइ रहेको छ। तनावलाई मत्थर गर्न र शान्ति सुव्यवस्था कायम राख्न हामी सबै सरोकारवालाहरूको पनि उत्तिकै महत्त्वपूर्ण योगदान रहने र यथाशीघ्र गोलबद्ध भई एकै ठाउँमा उभिने काममा होमिन आह्वान गरेका छन् । उनले बताए अनुसार समस्याको समाधान सडकबाट होइन् वार्तालाप र संवादबाट समस्याको समाधान हुने नेता रोंगटाले बताएका हुन्।
वीरगञ्जलाई पुनः आफ्नै लयमा फर्काउनका लागि राजनीतिक दल, नागरिक समाज र स्थानीय प्रशासन समन्वयको सक्रिय भूमिका आवश्यक रहने उनले बताएका छन्। केही दिनदेखि वीरगञ्जमा उत्पन्न तनावका कारण जनजीवन प्रभावित भएको सन्दर्भमा नेता रुंगटाले आफ्नो सामाजिक सञ्जाल मार्फत उत्तेजना नफैलाई संयमता अपनाउन आम नगरवासीहरुलाई अपिल गरेका छन् । हामी एक आपसमा सद्भाव र भाइचाराको रुपमा बस्दै आइरहेको यो सबैले सबैको धर्म संस्कार संस्कृतिलाई उत्तिकै महत्वपूर्ण दिनुपर्ने बताएका छन्।
COMMENTS