पर्सा जिल्लाको एक कुशल एवं सबैभन्दा कम उमेरका वीरगन्जकी आयुषा कापरी पाइलट बन्न सक्षम भएकी छिन्।
पाइलटलाई उच्च जोखिमको रूपमा हेर्ने दृष्टिकोणलाई नेपालको उड्डयन क्षेत्रमा नयाँ इतिहास वीरगन्जकी चेली आयुषा कापरी सबैभन्दा कान्छी पाइलट (विमान चालक) बनेकी हुन्। मधेसमा त्यो पनि महिलालाई अगाडि बड्नमा पुरुषको हकमा छोरीलाई घरबाट बाहिर निस्कन कठिन परिस्थितिमा उड्डयन क्षेत्रमा उनको यो सफलताले अवसर सँगै चुनौती पाउनु नेपाली महिलाहरुको लागि चुनौतीलाई पार गर्दै आफ्नो क्षमता, आत्मबललाइ सशक्त बनाउने आफ्नो लक्ष्य हासिल गर्नु पर्ने भएको बताएकी छिन्। वि.सं. २०६१ साल असार १५ गते जन्मिएकी आयुषाले आफ्नो बाल्यकालमा नै पाइलट बन्ने सपना देखेको र सो सपनालाई पूरा गर्न संयुक्त राज्य अमेरिका पुगेर पाइलट अध्ययन गरिन्। उनले भनिन् आधुनिक प्रविधि, कडा मेहनत र अनुशासनमा रहेर अमेरिकामा अध्ययन गर्दै उनले कठिन र प्रतिस्पर्धात्मक प्रशिक्षण प्रक्रिया सफलतापूर्वक सम्पन्न गरेको बताएकी थिइन् । उड्डयन पेशा अत्यन्त जोखिमपूर्ण, प्राविधिक तथा मानसिक रूपमा चुनौतीपूर्ण क्षेत्र रहेको भएपनि अन्तर्राष्ट्रिय स्तरको प्रशिक्षण वातावरणमा आफूलाई सक्षम सावित गर्दै आयुषाले कम उमेरमै पाइलट कोर्स पूरा गर्न सफल भएको उनको भनाइ रहेको छ। उनले बताएअनुसार उनको निरन्तर मेहनत, अनुशासन र दृढ इच्छाशक्तिको
सामान्य पारिवारिक पृष्ठभूमिबाट आएकी आयुषाका पिता वीरेन्द्र कापरी नेपाल आयल निगममा बाउजर अपरेटरका रूपमा कार्यरत छन्। सीमित स्रोतसाधनका बाबजुद परिवारको निरन्तर साथ, भरोसा र उत्साहले आयुषालाई आफ्नो लक्ष्यतर्फ अघि बढ्न आफ्नो मामा उमेश धिमालको सहयोग,र समन्वयमा तथा मार्गदर्शनले अगाडि बढ्ने अवसर पाएको आयुषाले बताएकी छिन्। नेपाल आयल निगमअन्तर्गत एभिएसन फ्युल डिपो सिनामंगलमा कार्यरत धिमालबाट पाएको उड्डयन क्षेत्रसम्बन्धी अनुभव र व्यावहारिक सुझावले आफूलाई पाइलट बन्ने यात्रामा थप मद्दत पाएको आयुषाको भनाइ रहेको छ।
भौगोलिक रूपमा चुनौतीपूर्ण नेपालमा हवाई सेवा अत्यन्त महत्वपूर्ण मानिन्छ। यस्तो अवस्थामा दक्ष, अनुशासित र जिम्मेवार पाइलटहरूको आवश्यकता बढ्दो छ। पर्सा जिल्लाकी सबैभन्दा कान्छी पाइलटका रूपमा आयुषा कापरीको उदयले महिलाको सहभागिताले नयाँ पुस्तालाई उदाहरणका रूपमा प्रस्तुत गरेको छ। उनले भनिन् यदि इच्छाशक्ति र सहयोग भएको खण्डमा महिलाले पनि अवसरहरू पाएको खण्डमा त्यो पूरा गर्न सकिन्छ भन्ने आफूमा आत्मबल बढाउन सकिने आयुषाले बताएकी छिन्।
COMMENTS