वीरगंज, १९ पुस ।
जेनजी पर्साका संयोजनमा वीरगंजमा विभिन्न पार्टीसँग छलफल भएको छ ।
जेनजी पर्साका संयोजक विशेष साह तथा सल्लाहकार राजा गुप्ताको विशेष पहलमा शनिवार आयोति छलफल कार्यक्रममा उज्यालो नेपाल पार्टी पर्साका संयोजक रामबाबु यादव, राष्ट्रिय स्वतन्त्र पार्टी पर्साका सभापति हरि पन्तलगायत राजनीतिक दलका प्रतिनिधिहरूको सहभागीता रहेको थियो।
संयोजक विशेष साहले देशभरका विभिन्न जिल्लाका प्रतिनिधिहरू एकजुट भई आगामी निर्वाचनमा सकारात्मक, परिवर्तनमुखी र जिम्मेवार राजनीतिक मार्ग निर्माण गर्नुपर्नेमा जोड दिए । उनले युवाको सक्रिय सहभागीता, आपसी समझदारी तथा साझा एजेन्डामार्पmत नयाँ राजनीतिक संस्कार स्थापना गर्न सकिनेमा बताए ।
पर्सा जिल्लामा राजनीतिक समन्वयको पहिलो चरण अन्तर्गत सकारात्मक छलफल भएको थियो । वर्तमान राजनीतिक अवस्था, दलहरूबीच आपसी समन्वय, आगामी कार्ययोजना तथा निर्वाचन रणनीतिका विषयमा गहन विचार–विमर्श गरिएको थियो । कार्यक्रम जेनजी पर्साका सदस्यहरूको उपस्थिति थियो ।
COMMENTS