एक महिने मेहन्दी सम्बन्धी तालिम सम्पन्न तालिममा सिकेका सीपहरू व्यवहारमा उतार्न वडा अध्यक्ष चौरसियाको आग्रह नेपाल महिला विकास सङ्घ बीरगञ्ज मह...
एक महिने मेहन्दी सम्बन्धी तालिम सम्पन्न तालिममा सिकेका सीपहरू व्यवहारमा उतार्न वडा अध्यक्ष चौरसियाको आग्रह नेपाल महिला विकास सङ्घ बीरगञ्ज महानगरपालिका १६ मिथिलानगर को आयोजना र वीरगञ्ज महानगरपालिका वडा नम्बर १६ को सहयोगमा एक एक महिने मेहन्दी सम्बन्धी तालिम आज एक समारोहको बीच सम्पन्न भएको छ। तालिमको समापन समारोहमा प्रमुख अतिथि वडा नम्बर १६ का वडा अध्यक्ष परशुराम चौरासियाले तालिममा सिकेका सीपहरूलाई आफ्नो व्यवहारमा उतारेर आय आर्जन गरी आफ्नो आत्मनिर्भर बन्न सुझाव दिनुभएको थियो। प्रमुख अतिथि चौरसियाले आफ्नो वडामा भएका महिलाहरूलाई आफ्नो आयआर्जनको सँगसँगै आत्मनिर्भर होस् भन्ने उद्देश्यले यस्ता तालिमहरु उपलब्ध गराएको र सो तालिमबाट सानोतिनो घर परिवार सञ्चालन गर्नमा मद्दत पुग्ने अपेक्षा आफूले लिएको बताएका थिए।
तालिममा भएका महिलाहरुले तालिमबाट प्राप्त गरेका उपलब्धिहरु आफूहरुले कार्यान्वयन गर्ने उद्घोष गरेका थिए नेपाल महिला विकास सङ्घ पर्साका अध्यक्ष मिनु देवी रौनियारको अध्यक्षतामा सम्पन्न सो तालिमको समापन समारोहमा तालिममा सहभागी भएका महिलाहरूलाई प्रमाणपत्र वितरण गर्दै तालिम केवल तालिममा नहोस् यसबाट आफूहरूको घर व्यवहार सञ्चालन गर्नमा तालिमले सार्थक पाओस् भनेर बताउनुभएको थियो। महिलाहरूलाई गृहणी मात्र नभएर बाहिर निस्केर यस्ता तालिमबाट सिकेका सीपहरू आफ्नो व्यवहारमा उतार्न र सानोतिनो घरपरिवार सञ्चालन गर्नमा आर्थिकमा मद्दत पुगोस् भन्ने आफ्नो अपेक्षा रहेकोले वडाहरूबाट यस्ता तालिमहरु महिलाहरुलाई उपलब्ध गराउँदै आइरहेको र आगामी दिनहरुमा पनि यस्ता तालिमहरु उपलब्ध गराउने प्रतिबद्धता जनाउनु भएको थियो।
तालिम अवधिभर सोनाली सावाले प्रशिक्षण दिनुभएको थियो तालिममा ३० जना महिलाहरूको सहभागिता रहेको थियो तालिमको समापन समारोहमा वडा सदस्य रिता देवी राउत लउनी देवी युवा नेपाल सङ्घका कोषाध्यक्ष शिवशंकर श्रीवास्तव पत्रकार जगत राई लगायतले आआफ्नो धारणा एवं तालिमको उपलब्धिको सफलताको कामना गर्नुभएको थियो। कार्यक्रमको सहजीकरण सविता कुमारीले गरेकी थिइन्।
COMMENTS