समुदायमा आधारित रोग निगरानी प्रणाली सम्बन्धी अभिमुखीकरण कार्यक्रम सम्पन्न बीरगञ्ज महानगरपालिका स्वास्थ्य तथा सामाजिक विकास महाशाखा जनस्वास्थ...
समुदायमा आधारित रोग निगरानी प्रणाली सम्बन्धी अभिमुखीकरण कार्यक्रम सम्पन्न बीरगञ्ज महानगरपालिका स्वास्थ्य तथा सामाजिक विकास महाशाखा जनस्वास्थ्य प्रवर्धन शाखा वीरगंज पर्साको आयोजनामा आज नेपाल राष्ट्रिय विद्यापीठ माध्यमिक विद्यालयको प्राङ्गणमा सामुदायमा आधारित रोग निगरानी प्रणाली सम्बन्धी अभिमुखीकरण कार्यक्रम सम्पन्न भएको छ। PHRD नेपाल कार्यक्रम अधिकृत राजजीव चौधरीले समुदायमा देखा परेका विभिन्न रोगहरूको लक्षणबारे प्रस्तुत गर्दै रोकहरूको पहिचान नभएका त्यस्ता रोगहरूको बारेमा तुरुन्त सम्बन्धित निकाय वा ११५५ मा हेल्लो स्वास्थ्यमा सम्पर्क गरी वा आफ्नो वडामा सम्पर्क गर्न उक्त कार्यक्रमको प्रस्तुतिमा जानकारी दिनुभएको थियो
उनले यस्ता विभिन्न पहिचान नभएका वा पहिचान गर्न समस्या हुने १३ किसिमका लक्षणहरूको बारेमा प्रतिवेदन मार्फत प्रस्तुति गर्नुभएको थियो। बीरगंज महानगरपालिका वडा नम्बर ११ का वडा अध्यक्ष अजय चौरसियाको सभापतित्वमा सम्पन्न सो कार्यक्रममा अध्यक्ष चौरसियाले अहिले समुदायमा पहिचान नभएका रोगहरूको निगरानी गरी सम्बन्धित स्वास्थ्य चौकी वा स्वास्थ्यकर्मीहरूलाई जानकारी दिएर समुदायमा हुन लागेका यस्ता रोगहरूको लक्षणलाई अन्त गर्न समुदायकै व्यक्तिहरू वा जनप्रतिनिधि तथा सम्बन्धित व्यक्तिहरू पनि सजग र चनाखो हुनुपर्ने धारणा राख्नुभएको थियो। कार्यक्रममा PHRD नेपाल कार्यक्रम अधिकृत विनोद पोखरेलले यस्ता रोगहरूको बेलामा पहिचान गरिएको खण्डमा समुदायमा फैलिनबाट जोगिन सक्ने भएकोले यसबाट सचेत हुन जरुरी रहेको धारणा राख्नुभएको थियो।
कार्यक्रममा वडा सदस्यहरू जगहन लाल महतो र मुस्तकिम हवारी सालमा खातुन प्र अ डाक्टर राजकुमार सिंह वडा सचिव उमेश शर्मा। सहसचिव मनोहर बहादुर क्षेत्री स्वास्थ्य चौकीका इन्चार्ज प्रदिप कुमार चौरसिया अनामी रबिया खातुन सुरज मण्डल प्रहरी चौकी रानीघाटका इन्चार्ज सरोजप्रसाद केसरी आलोक चौरसिया लगायतको उपस्थित रहेको थियो।
COMMENTS