वीरगन्ज घर भएकी बालिका सिद्धि मिश्रा गत बैशाख १६ गतेदेखि रहस्यमय परिस्थितिमा बेपत्ता भएकी छन् ।
परिवारका सदस्यहरूले उनको खोजीका लागि विभिन्न स्थानमा व्यापक खोजतलास तथा प्रयास गरे पनि हालसम्म कुनै जानकारी प्राप्त हुन सकेको छैन । बालिकाको अवस्था र अवस्थिति अज्ञात रहेकाले परिवारका सदस्यहरु चिन्तित छन् ।
बालिका बेपत्ता भएको उक्त घटनालाई गम्भीर रूपमा लिँदै भारतका प्रहरी निरीक्षक (इन्स्पेक्टर) मनोज कुमार शर्माले सिद्धि मिश्राको सुरक्षित उद्धार गर्न सहयोग पुर्याउने वा उनको अवस्थिति सम्बन्धी विश्वसनीय सूचना उपलब्ध गराउने व्यक्तिलाई १ लाख रुपैयाँ (भारु) पुरस्कार प्रदान गरिने घोषणा गरेका छन् ।
उनले ती बालिकासम्बन्धी कुनै जानकारी प्राप्त भएमा वा कतै देखिएमा तत्काल सम्पर्क गर्न आग्रह गरेका पनि छन् ।त्यसका लागि उनले आफ्नो मोबाइल/ह्वाट्सएप नम्बर +९१–८८५३७०३७६१ पनि सार्वजनिक गरेका छन्।
साथै, बालिकाको सकुशल खोजी तथा उद्धारमा सहयोग पुग्ने विश्वासका साथ उक्त सूचना बढीभन्दा बढी व्यक्तिसम्म पुर्याउन समेत अनुरोध गरिएको छ ।साभार:कालिका टाइम्स
COMMENTS