प्याप्सन महानगर अध्यक्ष श्रीवास्तव राज्यको पहिलो कर्तव्य भनेको नागरिकको सुरक्षा र सामाजिक सद्भावको संरक्षण हो—यो जिम्मेवारीबाट सरकार पन्छिन मिल्दैन

 प्याप्सन महानगर अध्यक्ष राहुल श्रीवास्तवले आफ्नो समाजिक सञ्जालमा सुनसरी जिल्लामा हालै घटेको धार्मिक द्वन्द्वको घटना अत्यन्तै दुःखद, चिन्ताज...

 प्याप्सन महानगर अध्यक्ष राहुल श्रीवास्तवले आफ्नो समाजिक सञ्जालमा सुनसरी जिल्लामा हालै घटेको धार्मिक द्वन्द्वको घटना अत्यन्तै दुःखद, चिन्ताजनक र दुर्भाग्यपूर्ण छ। यस प्रकारका घटनाहरूले हाम्रो समाजको गहिरो जरा गाडेको सहिष्णुता, सद्भाव र सहअस्तित्वको मूल्यलाई कमजोर बनाउने प्रयास गर्छन्, जुन कुनै पनि हालतमा स्वीकार्य हुन सक्दैन। नेपाल केवल भौगोलिक राष्ट्र मात्र होइन, यो विविधता भित्रको एकताको सशक्त उदाहरण हो—जहाँ हिन्दु, मुस्लिम लगायत सबै धर्मका नागरिकहरूले परस्पर सम्मानका साथ शताब्दीयौँदेखि सहअस्तित्व कायम गर्दै आएका छन्।

यस्तो अवस्थामा भावनामा बहकिएर वा अफवाहका आधारमा हिंसात्मक गतिविधिमा उत्रिनु बुद्धिमानी होइन, बरु सामाजिक विघटनतर्फको खतरनाक कदम हो। सुनसरीको घटना केवल एउटा स्थान विशेषको समस्या होइन, यो सम्पूर्ण राष्ट्रको सामाजिक संरचनामाथिको चुनौती हो। त्यसैले यसलाई सामान्य घटनाका रूपमा लिने गल्ती कसैले गर्नु हुँदैन।

यस घटनामा ज्यान गुमाउनु भएका प्रति हार्दिक श्रद्धाञ्जली व्यक्त गर्दै शोकसन्तप्त परिवारप्रति गहिरो समवेदना प्रकट गर्दछु। साथै, दोषी जो–कोही भए पनि उनीहरूलाई कानुनको कठघरामा उभ्याई कडा भन्दा कडा कारबाही हुनुपर्छ। न्याय बिना शान्ति सम्भव हुँदैन, र दण्डहीनता कायम रह्यो भने यस्ता घटनाहरू दोहोरिने खतरा अझ बढ्छ।

सरकार तथा सम्बन्धित निकायहरूलाई म दृढतापूर्वक आग्रह गर्दछु कि यस घटनाको निष्पक्ष, गहिरो र शीघ्र अनुसन्धान गरी यथाशीघ्र समाधान निकालियोस्। ढिलासुस्ती, राजनीतिकरण वा कमजोरीले समाजमा अविश्वास मात्र बढाउँछ। राज्यको पहिलो कर्तव्य भनेको नागरिकको सुरक्षा र सामाजिक सद्भावको संरक्षण हो—यो जिम्मेवारीबाट सरकार पन्छिन मिल्दैन।

आजको आवश्यकता विभाजन होइन, संवाद हो; आक्रोश होइन, समझदारी हो। हामीले एकअर्कालाई शत्रु होइन, सहयात्रीको रूपमा हेर्न सिक्नुपर्छ। सामाजिक सञ्जाल वा अफवाहमार्फत फैलाइने घृणा र उत्तेजनाबाट टाढा रहनु प्रत्येक सचेत नागरिकको दायित्व हो।

अन्त्यमा, सम्पूर्ण हिन्दु तथा मुस्लिम दाजुभाइ–दिदीबहिनीहरूलाई शान्ति, संयमता र आपसी सम्मान कायम राख्न हार्दिक अपिल गर्दछु। हाम्रो शक्ति हाम्रो एकता हो—र यही एकताले मात्र राष्ट्रलाई स्थायित्व, समृद्धि र उज्ज्वल भविष्यतर्फ अगाडि बढाउनमा मद्दत पुग्ने आफ्नो समाजिक सञ्जाल मार्फत धारणा व्यक्त गरेका छन्। हामी विभिन्न जातजाति धर्म संस्कार संस्कृति भएका फुलबारी जस्तै  हामी मानिसहरू भएकाले सद्भाव नै एकता जसले समाज र राष्ट्र निर्माणमा योगदान पुर्याउने काम गर्छ भनेर प्याप्सन महानगर अध्यक्ष श्रीवास्तवले आफ्नो सामाजिक सञ्जाल मार्फत धारणा व्यक्त गरेका हुन!