सामुदायिक सेवा केन्द्र तथा सामुदायिक प्रहरी सेवा केन्द्र श्रीपुर ११ का पदाधिकारीहरू एवं सदस्यहरू आगामी १६ गते ठोरी वनभोज कार्यक्रममा जाने तय भएको छ ! सामुदायिक सेवा केन्द्र तथा सामुदायिक प्रहरी सेवा केन्द्र श्रीपुर ११ का अध्यक्ष राम सरार्फकोमा आज विशेष बैठक सम्पन्न भएको हो। बैठकमा उपाध्यक्ष रेखा घिमिरे वरिष्ठ सल्लाहकार डाक्टर पुरुषोत्तम दुबई सदस्यहरू निर्मल ताम्राकार मनीष सिंह राजेश कुमार सिंह बिष्णु बसौला विपिन उपाध्याय रोशनी लुंगेली गीता चौहान अनु बर्णवाल प्रहरी सहायक हवलदार विश्वेश्वर प्रसाद साह लगायतको उपस्थिति रहेको सदस्य जगत राईले जानकारी दिनुभएको छ। 
सामुदायिक सेवा केन्द्र तथा सामुदायिक प्रहरी सेवा केन्द्रका सम्पूर्ण पदाधिकारीहरू सोही वनभोज कार्यक्रममा बैठक बस्ने र उक्त बैठकबाट विभिन्न निर्णयहरू पारित गर्ने योजना समेत रहेको अध्यक्ष राम सरार्फले बताएका छन् उनले बताएअनुसार संस्थालाई अब सक्रिय रूपमा चलायमान बनाउने र विभिन्न सामाजिक कार्यहरूलाई पनि तीव्रता दिँदै अगाडि बढाउने उक्त वनभोज कार्यक्रममा बैठक बसी सो निर्णयहरू पारित गराउने योजना रहेको अध्यक्ष सरार्फको भनाइ रहेको छ। संस्थाले अब प्रहरीसँग सहकार्य गर्दै विभिन्न समुदाय तथा विद्यालयहरूमा कार्यक्रम गर्ने जस्ता निर्णयहरू पनि सो बैठकमा पारित गर्ने योजना रहेको बताएका छन्।
COMMENTS