पर्सा जिल्लाको श्री जानकी राजेश आधारभूत विद्यालयमा करारमा कार्यरत प्रधानाध्यापक रामदिनेश पण्डितलाई प्रहरीले नियन्त्रणमा लिएको छ।
विद्यालयमा सरुवा भएर आएका स्थायी शिक्षकहरूलाई लामो समयसम्म हाजिर नगराएको तथा अदालतको आदेशसमेत कार्यान्वयन नगरेको आरोपमा पण्डितलाई इलाका प्रहरी कार्यालय पोखरियाले नियन्त्रणमा लिएको हो।
विद्यालयमा करिब साढे पाँच महिनाअघि सरुवा भएर आएका स्थायी शिक्षकहरूलाई प्रधानाध्यापक पण्डितले हाजिर हुन नदिएको आरोप लागेको छ। शिक्षकहरूले विद्यालयमा हाजिर गराउन माग गर्दै कानुनी प्रक्रिया अघि बढाएपछि उच्च अदालतबाट उनीहरूलाई हाजिर गराउन आदेशसमेत जारी भएको बताइएको छ।
शिक्षकहरूलाई प्रधानाध्यापक पण्डितले हाजिर हुन नदिएको आरोप लागेको छ। शिक्षकहरूले विद्यालयमा हाजिर गराउन माग गर्दै कानुनी प्रक्रिया अघि बढाएपछि उच्च अदालतबाट उनीहरूलाई हाजिर गराउन आदेशसमेत जारी भएको बताइएको छ। तर उच्च अदालतको आदेशपछि पनि शिक्षकहरूलाई विद्यालयमा हाजिर नगराएको र आदेश कार्यान्वयनमा अवरोध गरेको आरोप प्रधानाध्यापक पण्डितमाथि लागेको छ।
अदालतको आदेश कार्यान्वयन नगरेको तथा सरुवा भएर आएका शिक्षकहरूलाई विद्यालयमा हाजिर हुनबाट रोक लगाएको विषयमा परेको उजुरी र प्राप्त प्रमाणका आधारमा प्रहरीले पण्डितलाई नियन्त्रणमा लिएको जनाएको छ।
घटनाबारे प्रहरीले आवश्यक अनुसन्धान तथा कानुनी प्रक्रिया अघि बढाइरहेको बताइएको छ। आरोप पुष्टि हुन बाँकी रहेकाले यस विषयमा थप अनुसन्धानपछि घटनाको वास्तविकता स्पष्ट हुने प्रहरीले जनाएको छ।
COMMENTS