पोखरियाको बसन्तपुर विद्यालय भवनका लागि रु. ७६ लाख ५९ हजार ५ सयको सहयोग परियोजना स्वीकृत

 पर्सा जिल्लाको पोखरिया स्थितमा रहेको  बसन्तपुर विद्यालय भवनका लागि रु. ७६ लाख ५९ हजार ५ सयको सहयोग परियोजना स्वीकृत भएको छ पोखरिया, पर्सा ।...

 पर्सा जिल्लाको पोखरिया स्थितमा रहेको  बसन्तपुर विद्यालय भवनका लागि रु. ७६ लाख ५९ हजार ५ सयको सहयोग परियोजना स्वीकृत भएको छ

पोखरिया, पर्सा । पर्सा जिल्लाको पोखरिया नगरपालिका–३, बसन्तपुरस्थित श्री नेपाल राष्ट्रिय प्राथमिक विद्यालयको भवन निर्माणका लागि रु. ७६ लाख ५९ हजार ५ सय बराबरको सहयोग परियोजना स्वीकृत भएको छ।

Lions Clubs International District 325,S को सम्पन्न प्रथम District Cabinet Meeting बाट उक्त परियोजना स्वीकृत गर्ने निर्णय गरिएको हो। परियोजना लायन्स क्लब अफ पोखरियाका अध्यक्ष लायन नेजामुद्दीन शमानीको पहल, समन्वय र सक्रियतामा अघि बढाइएको हो।

ग्रामीण क्षेत्रका बालबालिकालाई सुरक्षित, व्यवस्थित तथा गुणस्तरीय शैक्षिक वातावरण उपलब्ध गराउने उद्देश्यले अघि बढाइएको यस परियोजनाले विद्यालयको भौतिक पूर्वाधार विकासमा महत्वपूर्ण योगदान पुर्‍याउने अपेक्षा गरिएको छ।

परियोजना स्वीकृतिका लागि पहल, समन्वय तथा सहयोग गर्नुहुने Lions Clubs International District 325,S का अध्यक्ष लायन रामबिहारी पाण्डेयज्यू, सम्पूर्ण पदाधिकारी, सदस्य तथा सहयोगीहरूप्रति लायन्स क्लब अफ पोखरिया परिवारले हार्दिक आभार व्यक्त गरेको छ।

सोही अवसरमा लायन्स क्लबका अध्यक्ष लायन नेजामुद्दीन शमानीलाई लायन्स क्लबको पिन लगाई सम्मान गरिएको थियो। सम्मानबाट आफू अत्यन्तै खुसी र गौरवान्वित भएको बताउँदै शमानीले आफूलाई प्रदान गरिएको माया, विश्वास र सम्मानका लागि हृदयदेखि नै धन्यवाद तथा आभार व्यक्त गरेका छन्।“शिक्षामा लगानी, भविष्यको निर्माण।”“सेवा नै सबैभन्दा ठूलो धर्म हो।”“सबका साथ, सबका विकास।” समाजको शिक्षाका लागि आफूहरू सधैँ  अग्रसर रहिरहने समानीले बताएका छन्।