रोयल किड्स मन्टेस्वरी स्कुलले फादर्स डे विशेष कार्यक्रम भब्य रुपमा मनायो
वीरगञ्ज । बीरगंज महानगरपालिका वडा नम्बर १० अशोक बाटिका स्थितमा रहेको रोयल किड्स मोन्टेसरी एण्ड डे केयर सेन्टर स्कुलमा फादर्स डे को अवसरमा विशेष कार्यक्रम उत्साह, उमंग र पारिवारिक आत्मीयताका साथ सम्पन्न भएको छ।
विद्यालयकी प्रिन्सिपल रुचिका कुमारीको अध्यक्षतामा आयोजित कार्यक्रममा बालबालिकाले आफ्ना बुबाप्रति प्रेम, सम्मान र कृतज्ञता व्यक्त गर्दै विविध सांस्कृतिक तथा सिर्जनात्मक प्रस्तुति दिएका थिए। बालबालिकाका मनमोहक गीत, नृत्य तथा मनोरञ्जनात्मक प्रस्तुतिले कार्यक्रमलाई थप आकर्षक र भावपूर्ण बनाएको थियो।
फादर्स डे केवल उत्सव मनाउने अवसर मात्र नभई बालबालिकालाई बुबाको माया, त्याग, संघर्ष र योगदानको महत्त्व बुझाउने तथा अभिभावक र सन्तानबीचको भावनात्मक सम्बन्ध अझ प्रगाढ बनाउने माध्यम समेत बनेको थियो। कार्यक्रममा सहभागी अभिभावकहरूले आफ्ना बालबालिकाको प्रस्तुति प्रत्यक्ष हेर्दै खुसी र गर्व व्यक्त गरेका थिए।
विद्यालयले बालबालिकाको समग्र विकासमा शैक्षिक ज्ञानसँगै संस्कार, पारिवारिक मूल्य–मान्यता, सम्मान र भावनात्मक विकासलाई पनि प्राथमिकता दिँदै आएको प्रिन्सिपल रुचिका कुमारीले बताइन्। यस्ता कार्यक्रमले बालबालिकामा आफ्ना अभिभावकप्रति सम्मान र कृतज्ञताको भावना विकास गर्न महत्वपूर्ण भूमिका खेल्ने उनको भनाइ थियो।
कार्यक्रममा विद्यालयका शिक्षक–शिक्षिका, विद्यार्थी तथा अभिभावकहरूको उत्साहजनक सहभागिता रहेको थियो। कार्यक्रमका विभिन्न गतिविधिले विद्यालय र अभिभावकबीचको सम्बन्धलाई अझ आत्मीय बनाउनुका साथै बालबालिकालाई आफ्ना भावनाहरू सिर्जनात्मक रूपमा अभिव्यक्त गर्ने अवसर प्रदान गरेको थियो।
“बुबा केवल परिवारको अभिभावक मात्र होइन, सन्तानको सपना, साहस र भविष्य निर्माणका महत्वपूर्ण आधार हुन्” भन्ने भावनालाई आत्मसात् गर्दै आयोजना गरिएको कार्यक्रमले सहभागी सबैलाई भावुक र खुसी भएका थिए ।
कार्यक्रमको समापनमा विद्यालय परिवारले सम्पूर्ण बुबाहरूलाई फादर्स डे को शुभकामना व्यक्त गर्दै बालबालिकाहरुको उज्ज्वल भविष्य निर्माणमा अभिभावकहरूको निरन्तर साथ, सहयोग र मार्गदर्शनको अपेक्षा गरेको थियो।
COMMENTS