नवदीप एकेडेमी द्वारा ५० हजार बाढीपीडितहरुको लागि राहत सहयोग!!वीरगञ्ज । बाढीपीडितहरूका लागि राहत तथा सहयोगका नवदीप एकेडेमीका विद्यार्थी, अभिभावक, शिक्षक तथा व्यवस्थापन पक्षले संयुक्त रूपमा रु. ५० हजार सहयोग गरेको प्रिन्सिपल सुशीला शाहले जानकारी दिनुभएको छ।
विपद्को कठिन समयमा पीडित परिवारलाई राहत पुर्याउने उद्देश्यले संकलन गरिएको उक्त रकममध्ये विद्यार्थीहरूबाट रु. १५ हजार तथा शिक्षक शिक्षिकाहरू र विद्यालय व्यवस्थापनबाट रु. ३५ हजार सहयोग गरिएको प्रिन्सिपल शाहले जनाएकी छिन ।
विद्यालय परिवारले विपद्को समयमा पीडितहरूको साथमा उभिनु सामाजिक तथा मानवीय दायित्व भएको बताउँदै सहयोगमा सहभागी हुने सम्पूर्ण विद्यार्थी, अभिभावक, शिक्षक तथा शिक्षिकाहरू विद्यालय व्यवस्थापन सधैं उभिने बताएकी हुन् ।
विद्यालयले “मानव सेवा नै सबैभन्दा ठूलो सेवा हो” भन्ने भावनाका साथ विपद्को यस घडीमा एक–अर्कालाई साथ र सहयोग गर्न सबैमा आग्रहसमेत गरेको छ।
विद्यालय परिवारले सानो सहयोगले पनि विपद्मा परेका परिवारलाई राहत र हौसला प्रदान गर्न सक्ने भन्दै आगामी दिनमा समेत मानवीय सेवामा सहकार्य निरन्तरता रहने प्रतिबद्धता समेत जनाएकी छिन् ।
COMMENTS